اتصل بنا من نحن

تسجيل الدخول

مستخدم جديد

التسويق الشبكى والفوركس

قراءة المقال باللغة الفصحى

الكاتب :

اعمل بيزنس

تاريخ النشر :

2017-01-01 00:00:00

شارك المقال

سؤالين إتكرروا كتير قوي علي الخاص وهما رأيي في التسويق الشبكي وتجارة العملات (الفوركس) ...

 

أولا بالنسبه للتسويق الشبكي أنا رأيي فيه بكل صراحة إنه نصب صريح واستغلال لحاجة الناس انها يبقي ليها دخل من غير مجهود أو مخاطره وعايزين نتعود إن أي حاجة من غير مجهود أو مخاطره بتبقي نصب ....
كان فيه زمان حكاية كده إن تاجر عايز يشتري 10 ألاف عده نوكيا 6110 واللي هايجيبهم هيكسب في القطعة 1000ج يعني 10 مليون ج في عمليه واحده وأنا في الوقت ده كان تجارة الموبيل من ضمن أنشطتي ومع ذلك ولا كأني سمعت بيها وكل يوم يقابلني 20 واحد سابوا كل حاجه في الدنيا علشان يكسبوا ال10 مليون في خبطه واحده وطبعا محدش كسب حاجه (الموضوع طلع إن الشركه الوكيله عايزه تعرف مين اللي بيجيب العدد المهربه فحتي اللي كان هايلاقي العدد غالبا كان هيتقبض على  
ثانيا الفوركس ...أنا شخصيا عندي شركه بتدير محافظ فوركس في الإمارات ( لغير المصريين ) وبنكسب الناس كويس وبناخد نسبه من الربح مش عموله علي التداول لأن النشاط ده ممنوع في مصر ...لكن علشان أفهمك صعوبة الموضوع إحنا عندنا (خبراء) في إدارة التداول مجموع خبرتهم 60 سنه ومع ذلك فيه شهور بنخسر فيها والشهور التانيه بنعوض الخساره بمكاسب كويسه 
المشكلة إن اللي بيسوق في مصر فوركس شركات غير قانونيه وشركات تداول بتكسب من التداولات سواء العميل كسب أو خسر وهي دي المشكلة .....
المشكلة إن الشركات بتشجع الشباب إنهم يدخلوا سوق العملات بلا خبره فبيخسروا 100% من رأس مالهم والشركات بتطلع عامله عمولات كويسه ... وحتي لو كسبت في شهر 100% ممكن تخسر في اللي بعده اللي كسبته وكمان رأس مالك ....وحتي لو كسبت وجيت تسحب بتطلع الشركات نصابه وبترفض السحب وطبعا انت مش هتروح تشتكي لأنه نشاط أصلا غير قانوني

 

من الآخر يا جماعه متخلوش حد يعمل عليكوا شغل وابعدوا عن النشاطين دول الأول علشان نصب والتاني علشان المكسب فيه صعب جدا جدا وعن تجربه 
وربنا يرزقنا جميعا من الحلال 

تسويق