اتصل بنا من نحن

تسجيل الدخول

مستخدم جديد

اختبر شريحتك

قراءة المقال باللغة الفصحى

الكاتب :

اعمل بيزنس

تاريخ النشر :

2017-01-01 00:00:00

شارك المقال

هنتكلم النهاردة عن الجزء الثالث وهو ( إختبار الشريحة )
بعد إختيار الشريحة هعمل شوية إختبارات عليها علشان أعرف الشريحة دى هتصمد معايا ولا لأ ؟
1- هل عدد الشريحة المستهدفة ثابت ولا بيقل ولا بيزيد .... طبعاً لو ثابت يبقى كويس إنما لو بيزيد يبقى أحسن وطبعاً لو بيقل يبقى أنا بخاطر جامد ... يعنى مثلاً لو أنا بعمل منتج بيخاطب طلبة الثانوية العامة .. زى مثلاً موقع بيدى الدروس الخصوصية هبقى عارف إن الشريحة دى متجددة وبتزيد كل سنة بعكس مثلاً لو أنا بقدم منتج لفئة زى الأجانب فى مصر اللى بتقل كل سنة من بعد الثورة .
2- إيه هى القوة الشرائية للشريحة المستهدفة ... يعنى مثلاً هل ينفع أبيع عربيات لمراهقيين ؟ طبعا لأ لاعتبارات كتير إنما لو عملت محل لتيشرتات أو جينز هيبقى من السهل إن المراهق يقنع أسرته تديله 200 ج يشتري لبس ومش هينفع يقنعهم إنهم يدوله 50 ألف ج يشتى عربية مثلاً .
3- هل الطلب ثابت ولا موسمى ؟ مثلاً فيه بعض المشروعات بتعتمد على الوجود الموسمى زى مثلاً لو إنت فاتح مطعم فى رأس البر مش هتشتغل غير فى الصيف ولو فاتحه فى 6 أكتوبر مش هتشتغل غير فى الشتا لوجود الطلبة العرب ولو فاتحه فى منطقة زى المهندسين هيشتغل أكتر فى الصيف علشان الزوار من منطقة الخليج وهكذا .
4- هل فيه عوامل بتأثر على انخفاض وارتفاع الطلب .... زى أى حد بيشتغل فى الاستيراد طبعاً هيتأثر بسعر الدولار مقابل العملة المحلية كمان لو بيستورد من دولة زى الصين مثلاً هيتأثر بتخفيض العملة وبالاقتصاد الصينى عامة .
5- هل أنا محتاج أوسع الشريحة ولا أضيقها ؟؟ .... أحياناً بيبقى محتاج إنى أكبر الشريحة بأنى أوسع التقسيم العمرى مثلاً أو أصغر الشريحة لأنى مثلاً مش هقدر ألبى طلبات كل الناس اللى فى الشريحة المستهدفة .
هنكمل فى الحلقات اللى جاية دراسة البيئة الداخلية والمنافسين وربنا يوفق الجميع

تسويق