تفاصيل

لو انت بتدور علي استثمار فده مشروع أظنه مناسب. تفصيل الهدوم بقاله فتره كبيره مشفش تطوير يلائم حجمه كبيزنس. فالفكره بكل بساطه هتمسك ابليكيشن تطلب فستان أو بلوزه إما من الموديلات الي علي الـ App او ستايل تاني من عندك. وبيطلعلك حساب مبدأي للمنتج ده هيكلف كام. بعده بيوصل خياط أو / خياطه حسب بنت أو ولد الي عامل الأوردر وبيظبط مقاساته وبعدها المنتج بيوصلك لحد البيت لما يخلص. المشاكل الي هتحلها كتير:- * عدم توفر المنتج المراد في المحلات التقليديه * الاسعار يمكن ترتيبها حسب الميزانيه الخاصه بك حسب اختيارك لنوع القماش "يعني عاوز حاجه غاليه هتختار ما يناسب ده ولو عاوز حاجه رخيصه هتختار ما يلائم ده برده" *سهولة الخدمه "مش هتحتاج تدور كتير أو تلف كتير علشان تشتري الي انت عاوزه" *خدمة ما بعد البيع : فهنقدر نرجع المنتج او نصلحه في حال ان المنتج مش مناسب وده بدون تكلفه. * اخيرا لو انت بتشتري من المحلات فالمنتج دايما علي مقاسك بالضبط وده عامل مبيوفرهوش المحلات. *لو انت بتفصل فهتوفر عليك انك تجرب الخياط ده حلو او لا لان احنا هنوفرلك الجوده الي انت محتاجها وعليها ضمانات كمان عكس الخياط العادي. ** في الاخر المنتج مش هيبقي اغلي من السوق بالعكس احيانا كتير هيبقي اقل بكتير من السوق. الخطه كامله من الانتاج للتسويق موجوده - دراسة الجدوي - الخبره في مجال التسويق و الانتاج. * اخيرا الاستفاده من الموقع أو الـ App في الارباح هنحاول نستغلها بشكل اضافي علي الارباح الطبيعه. لو شايف ان الفكره مبشره او محتاجه تعديلات ممكن تساعدنا في ده. أو لو حابب تستثمر فلوسك في المشروع ده ممكن تتواصل معانا. الصور المرفقه واللوجو كلها مبدأيه لشرح الفكره فقط