اتصل بنا

تسجيل الدخول

مستخدم جديد

الناس يريدون ما تريد عندما تريد أنت ذلك

قراءة المقال باللغة الفصحى

الكاتب :

اعمل بيزنس

تاريخ النشر :

2017-01-05

مشاهدات :

1665

شارك المقال

فى مقولة فى البيزنس بتقول " الناس يريدون ما تريد عندما تريد أنت ذلك " ومهمتك كصاحب عمل بيقدم منتج أو خدمة إنك توفر ده ولو عميلك ملقاش عندك اللى بيدور عليه أغلب الظن إنه هيسيبك ويدور على حد تانى بدون إنتظار وده بيحصل بنسبة 90 %

إلا إن بعض الشركات بتلجأ لإستخدام أسلوب قوائم الإنتظار أو ال "waiting list" عشان تقدم لعملائها خدماتها وفى الغالب بيلجأ للأسلوب ده بعض المطاعم والفنادق فى أسبانيا وفرنسا مثلاً زى فندق قصر الحمراء فى غرناطة وخصوصاً فى أوقات المواسم زى الأعياد والإحتفالات كنوع من أنواع تقديم خدمة البيع بشكل مميز شوية وإعطاء خصوصية للعميل .

استخدم الأسلوب ده شركة "مورجان" الإنجليزية لتصنيع السيارات .. الشركة بتصنع عربيات رياضية بطابع كلاسيكى صناعة يدوية بالكامل من سنة 1936 وكان أول موديل هو موديل "مورجان 4/4" .. الموديل ده تحديداً فضل يتصنع لسنين طويلة بتعديلات وإضافات مستمرة وفعلاُ كان فى إقبال عليه وتم بيعه بشكل كبير .

الطريف فى الأمر أن شركة "مورجان" عملت قايمة إنتظار لاستلام الموديل الجديد من المصنع لمدة سنتين .. بمبلغ 27 ألف جنيه استرلينى ويعتبر مبلغ كويس جدًا لسيارة رياضية .. وبتتوفر بسعر 32 ألف استرلينى فى حالة طلب العميل ليها فوراً بدون إنتظار يعنى زيادة 5 آلاف استرلينى .. الغريب فى الموضوع ان ممكن عميل يشتريها بسعر المصنع اللى هو ال27 ألف ويبيعها بعد كده بسعر ال 32 ألف .. وممكن "مورجان" تتلافى النقطة دى بإنها تزود الإنتاج عشان تغطى الطلب وتقلل نسبة الإنتظار وتزود فى تمن العربية ال5 آلاف دول لكن وجهة نظر الشركة إن الأسلوب ده بيدى خصوصية للعميل إنه بيشترى حاجة مميزة وإن "مورجان" من العربيات النادرة اللى تمنها مش بيقل بمجرد خروجها من المصنع .. طبعاً كلنا عارفين إن العربية الجديدة بمجرد خروجها من صالة العرض فى أى معرض بتفقد جزء كبير من سعرها لكن ده مش بيحصل مع "مورجان" بل العكس هو اللى بيحصل من ارتفاع تمنها لأنها مصنوعة بشكل يدوى وفيها دقة وفخامة الصناعة الإنجليزية .

الأسلوب ده ينفع الشركات اللى بتقدم منتجات فيها ميزة تنافسية عالية جداً وتميز زى منتجات "آبل" مثلًا لكن ضرورة مراعاة إن فترة الإنتظار اللى هتديها الشركة للعميل ما تكونش فترة كبيرة تخليه يحس بالملل مع التركيز على سلوك حب إقتناء المنتجات المميزة لدى بعض الناس وإخبار أصدقائهم

خلى عميلك دايمًا له خصوصية وقدمله قيمة يقدر يستثمر فيها بعد كده مش مجرد بيع وخلاص وربنا يوفق الجميع

تسويق