اتصل بنا

تسجيل الدخول

مستخدم جديد

اعمل بوزيشينينج صح

قراءة المقال باللغة الفصحى

الكاتب :

اعمل بيزنس

تاريخ النشر :

2017-01-01

مشاهدات :

1570

شارك المقال

مرحلة ال (Positioning) وال (Differentiation) هى مرحلة إختيار مجموعة من المميزات اللي هتميز المنتج ده عن باقى المنتجات اللى بتنافسه فى السوق وتوصيلها بصورة ذهنية معينة عند العميل .
يعنى إيه الكلام ده ؟؟؟
يعنى إيه اللى يخللى العميل يشترى منتجى أنا بالذات رغم إن فيه 10 منافسين ؟ إيه هى الميزة اللى هيحصل عليها ؟؟ لما العميل يفكر فيا (عملية ذهنية) أو آجى على باله بيفكر إزاى ؟؟؟؟
وده معناه إن أنا بختار ميزة معينة أو بصمة معينة وبحطها فى ذهن العميل كصورة ذهنية ...
هديك شوية أمثلة فى العربيات .... عارفين العربية البيتلز الجديدة ... أول ما تشوفها بتفكر إن فيه بنت جميلة سايقاها .... طيب العربية المرسيدس .... هتلاقيك بتفكر فى رجل أعمال .... طيب البي إم شاب رياضى روش ... طيب الفولفو .. رب أسرة مع أسرته ...
طيب جرب تقلب يعنى لو شفت عربية بيتلز ممكن تفكر إن سايقها رجل أعمال ؟؟ صعب تفكر كده ... طيب ليه ؟؟؟ لأن الصورة الذهنية اللى وصلالك عن العربية دى إن اللى بيسوقها بنت ... طيب فيه حد كتبلك الصورة دى أو حد قالهالك طبعا لأ .... طيب هى وصلتك إزاى ؟؟؟ هو ده المقصود بالصورة الذهنية اللى بتوصلك أو اللى بتكونها من غير ما حد يقولهالك بالكلام بس بتتقالك بطرق مختلفة .
طيب إيه هى أنواع التميز اللى ممكن نظبطها فى المنتج بتاعنا ؟؟
لو خلينا السعر على جنب ( لأن اللى بيركز على السعر مش بيركز على التميز بشكل كبير ) هنلاقى 5 حاجات ممكن نتميز من خلالهم ...
1 - الخدمة أو ال Service 
2- المواصفات أو ال Features
3- العنصر البشرى .. فى 3 أنواع من الأشخاص فى أى مشروع ( الشركاء - العاملين - العملاء )
4 - التوصيل أو ال Delivery 
5 - قوة العلامة التجارية
هنشرح كل عنصر لوحده فى الحلقات اللى جاية وربنا يوفق الجميع 

تسويق