اتصل بنا

تسجيل الدخول

مستخدم جديد

دورة حياة الشركة

قراءة المقال باللغة الفصحى

الكاتب :

اعمل بيزنس

تاريخ النشر :

2017-01-05

مشاهدات :

654

شارك المقال

مشكلة معظم الشركات اللى بتفشل حتي لو كان السوق منتعش هو إن صاحب الشركة أو مؤسسينها بيبقى ليهم خبرة قوية جداً فى المنتج لكن خبرتهم في المبيعات بتبقى أقل بكتير .... يعني ممكن تلاقى صاحب الشركة مثلاً مهندس إشتغل في المنتج فنياً فى شركة كبيرة وفتح شركة فى تخصصه فبيطلع منتج قوي جداً بس بيفشل إنه يبيعه ... أو مثلاً شيف ماهر إشتغل في فنادق عملاقة ومطاعم فاخرة فبيقدر يطلع جودة أكل عالية جداً لكن مش قادر يجيب عملاء يقدروا إنهم يعرفوا جودة الأكل وطعمه فبرضه بيفشل علشان هو خبرته كلها كانت في صناعة أكل ملوش حل إنما مش تسويقة أو بيعه .

المشكله دى من أكبر المشاكل اللي بتخللي شركات كتير تقفل برغم قوة منتجها أو حتي بتكسب أقل من شركات عندها منتجات أضعف وأقل جوده ورغم حجم المشكلة الضخم إلا إن حلها سهل نسبياً .

- دورة أى شركه علشان تستمر لازم تبقى المرحلة الأولى إنتاج ثم المرحلة الثانية تسويق واللى بينتج عنه وجود عملاء متوقعين أو مرشحين إنهم يشتروا ( Leads ) ثم المرحلة الثالثة البيع ( ( Sales Activities و  CRM )) واللى بتحول كل المراحل اللى فاتت لفلوس بيتدفع منها تكلفة المراحل اللى فاتت وتكلفة العمليات وخدمة ما بعد البيع وبيتبقي جزء من الفلوس اللى هو أرباح اللي بيضمن للشركة الاستمرارية.

- الدورة دي هي دورة أي شركة صغيرة أو كبيرة بتقدم خدمة أو بتنتج منتج بتستهدف شركات أو أفراد .

- ولأن العملية دي أهم عملية وبتنجّح أو تفشّل شركات قررنا في إعمل بيزنس إننا نساعد الشركات وأصحاب الأعمال اللي بيتعبوا جداً في المنتج ومبيقدروش يبيعوه أو يوصلوه للمستهلك النهائي ويترجموا مجهودهم لفلوس إننا نرشحلهم متخصصين يقدروا يساعدوهم على حل المشكلة بمقابل مادي من خلال الضغط على اللينك التالى وتسجيل البيانات المطلوبه ويختار نوع الخدمات اللي هو عايزها وهيتصل بيه حد متخصص علشان يساعده فيها وربنا يوفق الجميع للنجاح والتوفيق في البيزنس بتاعهم

تسويق