اتصل بنا

تسجيل الدخول

مستخدم جديد

الـ smarketing

قراءة المقال باللغة الفصحى

الكاتب :

اعمل بيزنس

تاريخ النشر :

2017-01-02

مشاهدات :

1496

شارك المقال

واحنا بنتابع آخر ما وصل اليه علم التسويق استوقفنا مصطلح جديد هو ال smarketing وهو باختصار عملية البيع أو الsales + عملية التسويق أو ال Marketing ..

فى اختلاط فى المفهوم عند أغلب الناس بين الsales و ال marketing .. يعنى لو قلت لحد إنك شغال فى التسويق هتلاقيه بيقولك بعفوية يعنى مندوب مبيعات يعنى .. الموقف بيحصل كتير لكن خلينا نقول ببساطة إن التسويق هو اللى بيمهد الطريق عشان يتم البيع أو يقدر يعمل Close لل Deall .. متخصصين التسويق بيبذلوا مجهود عشان يستهدفوا الشريحة اللى متخصص البيع هيقدر يبيعلها صح .. طيب يعنى الإتنين فى الآخر مش حاجة واحدة التسويق حاجة والبيع حاجة تانية:) 

طب نيجى بقى لمفهوم جديد بدأ فى الظهور وهو الsmarketing .. يعنى ال sales+ ال Marketing وده أحد المفاهيم المعمول بيها حاليًا .. يعنى اجتماع ممثلى البيع والتسويق والعمل مع بعض تحت إدارة واحدة بهدف زيادة الدخل والأرباح لأى شركة أو منظمة .. الأرقام بتقول إن شغل مسئولين الsales وال marketing مع بعض بيزود دخل أى شركة 20% .

طب ازاى بشتغلوا مع بعض ؟

 

يشتغلوا مع بعض عن طريق استفادة كل فريق من الdata الموجودة مع الفريق التانى وتزويده بالمعلومات اللازمة عن طبيعة وسلوك العملاء الشرائى ولازم الفريقين يحطوا أهدافهم مع بعض بشفافية تامة واللى فى الآخر هتكون أهداف الشركة أو المؤسسة ككل ويفضل كمان إن الأهداف دى تكون موثقة وبيسموها ( SLA ) .. أو ال Service level agreement 

 التقارير اللى بتتعمل من الفريقين تكون واحدة أو كل تقرير بيكمل التانى لأن الأهداف زى ما قلنا فى النقطة اللى فاتت هى أهداف واحدة .

 

أحد أشكال التعاون بين الفريقين هو إجتماع الفريقين مرة كل نهاية أسبوع لمناقشة التطورات وتحقيق الأهداف المشتركة ووضع خطط جديدة أو مناقشة المشاكل اللى بتواجه كل فريق والأغرب من كده هو مكان العمل نفسه .. بمعنى إن ممكن فريق التسويق يقعد يشتغل مع فريق المبيعات فى مكان واحد بالمعنى الحرفى للكمة لتحقيق التجانس مع بعض نتيجة الأهداف الموحدة بينهم 

الموضوع بيرجع فى الآخر للبيانات اللى كل فريق بيمتلكها وإزاى هيوظفها فى خدمة الشركة أو المؤسسة ككل بس بإلتزام كامل من كل طرف بتحقيق التعاون ده .

تسويق