اتصل بنا

تسجيل الدخول

مستخدم جديد

إتقان البيع - ج5

قراءة المقال باللغة الفصحى

الكاتب :

اعمل بيزنس

تاريخ النشر :

2017-01-02

مشاهدات :

1154

شارك المقال

عندنا في الشركة Call Center المبيعات بيتصلوا بالعملاء علشان يحاولوا يقنعوهم إنهم يشتروا منتجاتنا ... في يوم عميل اتصل بالشركة (Inbound) علشان يشترك وكان السيناريو كالآتي ..

العميل : السلام عليكم ورحمة الله .

 

ممثلة المبيعات : وعليكم السلام ورحمة الله وبركاته أتشرف باسم حضرتك 

 العميل : أبو عبدالله .

 

ممثلة المبيعات : أهلا بيك أبو عبدالله أقدر أخدمك إزاي ؟

العميل : والله أريد أن أشترك في خدماتكم .

ممثلة المبيعات : حضرتك إحنا خدماتنا مميزة وبتتيح للعميل إنه 1-... 2-... ........إلخ

العميل : أيوة أنا أخدت رقمكم من صديق وبيشكر في الخدمة وعايز أشترك .

ممثلة المبيعات : حضرتك إحنا شركة رائدة في الاستثمار وبنقدر إن إحنا نعملك 1-.... 2-.... 3-.... .....إلخ

العميل : طيب أنا عارف وأنا فعلاً عايز أشترك .

 

ممثلة المبيعات : علشان حضرتك تقدر تقتنع في كل اللي أنا شرحتهولك أنا هديلك إشتراك مجاني 

 لمدة أسبوع لو حضرتك عجبتك الخدمة تقدر تدفع الفلوس عن طريق الفيزا أو بتحويل بنكي أو ......إلخ

 

العميل : ياستي بقولك أنا عايز أشترك .

ممثلة المبيعات : حضرتك لو عجبتك الخدمة بعد الفترة المجانية واشتركت يبقى من حقك خلال شهر إنك ترجع الإشتراك لو فيه خطأ جوهري أو ..... إلخ.

العميل : طيب شكراً هتصل بيكم بعد كده علشان آخد الفترة التجريبية .

 

ممثلة المبيعات : تحت أمرك يافندم ولو فيه أي استفسار تاني حضرتك .....إلخ .

العميل : قفل الخط :)

 

طبعا أي Call Center بيبقى فيه فريق للجودة بيسمعوا المكالمات وبيشوفوا أداء ممثلي المبيعات وكانوا مش قادرين يفهموا ممثلة المبيعات اللي عندها تارجت كل شهر والمدربة كويس على إدارة سيناريو المكالمة ليه مقدرتش تبيع لواحد أصلاً عايز يشتري ومقتنع بالمنتج فبعتولي المكالمة :) :)

الموضوع ببساطة شديدة إن فيه كتير من ممثلي المبيعات متخيلين إن البيع هو كلام كثير وإن البائع لابد وأن يكون (رغاى) ولازم العميل ييجي نرصله كل حاجة عارفينها وهو بقى يختار وطبعاً ناسيين أو متناسيين أهم صفة في البائع وهي (الإنصات).

- ممثل المبيعات أو البائع لو مبيعرفش يسمع العميل ويفهم إحتياجاته مش هيقدر يبيعله ومش كل العملاء عندها استعداد تصبر لما انت تقول كل حاجة وبعدين يسأل أو يستفسر ... ومش كل العملاء عندها قدرة على السؤال والاستفسار ولا هيديلك فرصة كاملة لعرض كل مميزات المنتج فيصبح الطبيعي إنك تسمع إحتياجاته وتلبيها أو توضحها وانت مقتنع إن منتجك مش مناسب لكل العملاء وفيه عملاء ممكن تنصحهم بمنتج آخر يناسبهم وفيه عملاء هتستبعدهم .... إلخ .

كل ده لن يتاح لك إلا لو كنت بتنصت بشكل كامل وعندك تركيز قوي بحيث إن فيه حاجات كتير العميل بيقولها إنت بتاخدها وبتدعم فكرة الشراء لمنتجك وبتسهلك إتمام عملية البيع بسهولة 

- لا يوجد سيناريو واحد لكل المكالمات ولازم يبقي فيه Script أو نص للمكالمة والبياع الشاطر اللي يحفظ ال Script بس ما يسمعوش ولا يقراه للعميل لأن العميل من أول 3 ثواني بيفهم انك كبياع فاهم في شغلك وقادر على التعامل معاه ولا رجل آلي هتسمع الكلمتين اللي معاك وتمشي 

فيه فرق بين Inbound Call اللي هي العميل اللي بيتصل علشان يشترك أو يشتري وبين ال Outbound Call اللي أنا اللي بكلم العميل علشان أقنعه بالشراء كل واحده ليها Script خاص بيها و ال Scenario الخاص بيها وأهم من النص Script وطريقة معالجة المكالمة Call Scenario هي ممثل البيع اللي فاهم الخدمة أو المنتج كويس وبيقدر (يسمع) كويس وهو في نيته إنه يبيع للعميل مش يسمع كلمتين حافظهم

تسويق