اتصل بنا

تسجيل الدخول

مستخدم جديد

برة الصندوق

قراءة المقال باللغة الفصحى

الكاتب :

اعمل بيزنس

تاريخ النشر :

2016-12-31

مشاهدات :

206

شارك المقال

اتكلمنا قبل كده عن أهمية إن قائد الفريق يسبق الفريق بفكره ويفكر خارج الصندوق وده اللى بيميزه عن باقى الفريق .... طيب إفرض بقى قائد الفريق مبيعرفشى يعمل كده .... يعنى خلقة ربنا إنه مش مبدع ومبيعرفشى يفكر خارج الصندوق هل كده يبقى خلاص مايعرفشى ومايفتحشى شركة ولا يبقى مدير مشروع مثلًا ؟

لأ طبعا ده كلام مش صحيح .... أنا على فكرة من الناس دى اللى مبتعرفشى تفكر بره الصندوق وكل المجالات اللى اشتغلت فيها كانت فى مجال البرمجيات والاستثمار بره الصندوق وده ناتج إنى دايمًا أشجع فريق العمل اللى أنا بشتغل معاه إنه يقول أفكار جديدة أو يطور أفكار قديمة .... إذن الموضوع هو كيفية الحصول على الفكرة سواء من فريق العمل أو من العملاء أو حتى من المنافسين أو من أسواق خارجية .... ورعاية الفكرة وتطويرها بما يتناسب مع السوق المصرى ومع طبيعة الشركة اللى إحنا بنشتغل فيها أو بتاعتنا ومع طبيعة المنتج برضه اللي إحنا شغالين فيه .

لو فعلًا قدرت تحفز كل فريق العمل بمكافأت واضحة على الأفكار الجديدة أو الحلول غير التقليدية لمشاكل تقليدية يبقى إنت فعلًا بتفكر خارج الصندوق ..... وتبقى إنت فعلًا قائد أو مدير على حق 

تسويق