اتصل بنا

تسجيل الدخول

مستخدم جديد

شغل دماغك تعمل بيزنس

قراءة المقال باللغة الفصحى

الكاتب :

اعمل بيزنس

تاريخ النشر :

2017-01-01

مشاهدات :

539

شارك المقال

لو عندك قوة ملاحظة تقدر تشوف الفرص المتاحة حواليك .. يعنى تقدر تعمل بحث السوق بنظرة سريعة عن الظروف المحيطة بيك .. بيعجبني قوي الناس اللي مشغله دماغها وبتحاول تضمن إن مشروعها ينجح عن طريق توفير العميل من قبل ما تفتح .
أحد شركات بيع الأدوات والملابس الرياضية عملت حركة ذكية جداً .. لقت ان فى اتنين جيم كبار ومشهورين فاتحين جنب بعض وعدد المشاركين فيهم كبير .. راحت واخدة محل بينهم بينهم علشان تضمن إن كل واحد مشترك هنا أو هنا هايبقي عميل متوقع وده إبداع بصراحه .
زي في مول العرب كده هنلاقي حاجه اسمها بيلي بييز وهي عباره عن ملاهي للأطفال تمنها تقريبا 75 ج للطفل بيدخلها عدد كبير جدا من الأطفال يوميا يقوم واحد ذكي واخد المحل اللي قدام المدخل وعامل محل قوي جدا للعب الأطفال ....يعني لو انت كأب للطفل راضي انك تدفع 75 ج علشان ابنك يستمتع كام ساعه ممكن تدفع زيهم ويبقي معاك لعبه تقعد بيها كام يوم (غالبا مبتكملشي يومين وتكون ذكري للطفل .
الموضوع بسيط بس محتاج شوية تشغيل مخ وافتكر ان مؤسس كنتاكي أول مرة عمل مطبخ في مكان فيه مواقع بناء علشان العمال ياكلوا فراخ مقليه وقت الراحة .
حاول لما تختار مكان تضمن بيه علي الأقل وجود العميل إنما رضا العميل ده هيبقي متوقف علي حاجات تانيه 

تسويق