اتصل بنا

تسجيل الدخول

مستخدم جديد

الفرسان الثلاثة

قراءة المقال باللغة الفصحى

الكاتب :

اعمل بيزنس

تاريخ النشر :

2017-01-01

مشاهدات :

403

شارك المقال

هنبدأ النهاردة المرحلة الثانية من التسويق وهى مرحلة التخطيط الاستراتيجى اللى مقسومة ل3حاجات 
Segmentation – Targeting - Positioning
ومش محتاجين إننا نقول إن دى أهم مرحلة علشان كل مراحل التسويق مهمه جدًا بس محتاجين نقول إن فى المرحلة دى لو فى غلطة صعب جدًا إننا نصلحها فى المرحلة اللى جاية .... إنما لو المرحلة الإستراتيجية معمولة صح وغلطنا فى اللى بعدها سهل نصلح أخطائنا .
طيب باختصار شديد وعلشان نركز أكتر المرحلة دى بتنقسم ل 3 خطوات رئيسية هنشرحها ببساطة وهنشرحهم بالأمثلة فى الحلقات اللى جاية .
الخطوة الأولى تقسيم الطلب Segmentation Of Demand
وفى المرحلة دي بيتم تقسيم السوق لقطاعات صغيرة من المستهلكين واللى ليهم نفس التصرفات وعندهم نفس الاحتياجات .
الخطوة الثانية هى استهداف أفضل القطاعات Targeting The Best Segments 
وفى المرحلة دي بيتم تقييم ومقارنة القطاعات المختلفة واختيار قطاع أو فئه بعينها كمستهدف للتسويق .
الخطوة الثالثة هى رسم صورة ذهنية معينة عن الشركه أو المنتج فى ذهن العميل Positioning
هما دول ال 3 مراحل اللى بيمثلوا الاستراتيجية التسويقية لأى شركة أو منتج واللى لو حصل فيهم أى خطأ على طول يبقى بنكتب شهادة وفاة للمنتج أو للشركة اللى بنقدمها وبتبقى محتاجة تدخل جراحى مش عادى ....
الموضوع هنا مخ مش عضلات يعنى لو اتوفقت فى المراحل دى يبقى فعلًا ربنا هايوفقك بعد كده وده اللى إن شاء الله هنشوفه في الحلقات اللى بعد كده

تسويق