اتصل بنا

تسجيل الدخول

مستخدم جديد

والت ديزنى .. أسطورة الترفيه فى العالم

قراءة المقال باللغة الفصحى

الكاتب :

اعمل بيزنس

تاريخ النشر :

2017-01-04

مشاهدات :

735

شارك المقال

مخرج و منتج و كاتب و ممثل صوتى و كمان رجل أعمال كل ده فى رجل واحد و هو "والتر إلياس" مؤسس شركة "والت ديزنى" و مخترع المنتزه الشهير "ديزنى لاند" و مخترع الشخصيات المتحركة الأكثر شهرة فى العالم زى "ميكى ماوس" و "دونالد داك" .

كان إيه و بقى إيه و إزاى وصل إنه يكون كل ده هنعرفه دلوقتى

"والتر إلياس" اتولد سنة 1901 فى "شيكاغو" فى الولايات المتحدة الأمريكية هو من أصل إيرلندى بس اتولد و عاش فى شيكاغو 5 سنين بعد كدة إنتقل لولاية ميسورى مع عيلته .

بسبب مرض والده إضطروا لبيع المزرعة سنة 1909 و إنتقلو لمدينة كنساس فى بيت إيجار .

طبعًا كان لازم حد يشتغل علشان يتولى الأسرة و كان "والت" و أخوه روى هما اللى بيشتغلو فى أوقات فراغهم فى مؤسسة لنشر الصحف بجانب دراستهم .

لحد ما إنتهى "والت" بنجاح من دراسته الثانوية سنة 1917 ببنتون .. و فى الفترة دى كان "والت" ملتحقًا بصفوف ليلية للرسم فى "معهد شيكاغو للفنون", بعد كده و هو فى سن ال 16 سنة ساب "والت" المدرسة و اتطوع خلال فترة الحرب العالمية الأولى كسائق لسيارات الإسعاف و سافر فرنسا فى بعثة لمجموعة من سيارات الإسعاف التابعة للصليب الأحمر الأمريكى .

رجع "والت" لأمريكا بيدور على وظيفة جديدة و كان عنده رغبة كبيرة فى العمل فى مجال الأفلام, و أخيرًا لقى وظيفة فى مؤسسة "Pesman Rubin Commercial Art Studio" بمرتب 50 دولار شهريًا و فى نفس الوقت كان بيصمم غلاف البرنامج الأسبوعى لمسرح نيومان بجانب شغله .

فى سنة 1920 إلتقى "والت" ب "أب أيوركس" رسام الكرتون و الرسوم المتحركة و بدأو هما الإتنين بإنشاء مؤسسة لصالحهم بإسم "أيوركس-ديزنى لتجارة الفنون" و كانت فى مجال الدعاية و الإشهار بس دة كله مش كان بيلبى إحتياجات ورغبات و طموحات "والت" و عشان كدة بدأ بإنجاز أفلامه الخاصة و بيعها لصالح "شركة نيومان" و لم تتجاوز مدةالأفلام دى دقيقة واحدة ورغم إنتقادها لأوضاعهم و مشاكلهم و همومهم لكن أغرت الجماهير جدًا و سحرتهم

أطلق "والت" سنة 1922 مؤسسة "Laugh-o-grams " و كانت بتنتج أفلام قصيرة بالرسوم المتحركة و كان بياخد أحداثها من قصص الساحرات و قصص الأطفال, و رغم إنها كانت تباع بسهولة فى كنساس لكن التكاليف كانت أكتر من الدخل و بسبب كده أعلنت الشركة إفلاسها 1923

بس الناس دى مابيوقفهاش حاجة فى نفس السنة "والت" و أخوه الأكبر "روى" أنشأو إستوديو للتحريك و كان مقره جراج عمهما روبرت و بدأو بإنتاج حلقات مسلسل إسمه "Alice Comedies" و كان بيدمج بين الأنيمى و الصور و المشاهد الحقيقية, و إستطاعت ديزنى النجاح و فى نفس السنة برضه وقعت عقدا لإنجاز 12 فيلم و بدأ "والت ديزنى" صعود درجات النجاح بخطوات ثابتة

و كان لتعبه و مجهوده و إصراره على النجاح نتائج عظيمة و أهمها إن "والت ديزنى" يعتبر أكتر شخص فى التاريخ يحصل على أكبر عدد من جوائز الأوسكار و عددها 22 جائزة بالإضافة إلى حصوله على 3 جوائز أوسكار تكريمية فخرية .

و أخيرًا حقق "والت ديزنى" هدفه وعمله الأساسى فى الرسوم المتحركة, و كان ليه مقولة مشهورة بيها وهى " كل أحلامنا ممكن أن تتحقق إن كانت لدينا الشجاعة لمتابعة تحقيقها "

تسويق