اتصل بنا

تسجيل الدخول

مستخدم جديد

طارت تحويشة العمر

قراءة المقال باللغة الفصحى

الكاتب :

اعمل بيزنس

تاريخ النشر :

2016-12-31

مشاهدات :

464

شارك المقال

قصة قصيرة حزينة ....

شاب قضى 10 سنين فى الخليج حوش فلوس تخليه ينفع يفتح شركة أو مشروع أو محل فى مصر فى مجال هو فاهمه كويس قوى يجى على مصر يفتح المشروع وبعد 3 شهور الفلوس تخلص ويكتشف إنه لسه مغطاش مصاريفه فيقفل المشروع ويخسر كل اللى عمله خلال 10 سنين ويخسر مشروعه إللى كل الناس شايفة إن مستقبله كبير ....

القصه دى تقريبًا باسمعها كل يوم مرة بأشكال مختلفة يعنى مش شرط فى الخليج ممكن تحويشة عمره فى مصر وممكن مش 10 سنين وممكن يبقى سالف الفلوس دى المهم إنه فى الآخر الدنيا بتبوظ وبيخسر فلوسه ومشروعه ....

هفكركوا بأكتر من ملحوظة ...

1- ياريت نحسب المشروع صح يعنى تكاليف التأسيس وتكاليف البضاعة مش هى كل حاجة فى تكاليف التشغيل (سنه على الأقل) وتكاليف التسويق .

2- لو معناش كل المبلغ اللى فات قدامنا حل من إتنين إما منفتحش غير لما يكمل المبلغ أو ندخل شريك يغطى المبلغ الناقص .... وخلينا نفتكر إللى عايز كل حاجة بيخسر كل حاجة .

 

3- لو حد قالك إبنى اللى عنده 3 سنين الحمد لله بقى دكتور هاتصدقه ؟؟؟ برضه نفس الكلام للمشاريع مفيش مشروع بيجيب مكسب بعد 3 شهور ( لكل قاعدة إستثناء ومش لازم حضرتك تبقى الاستثناء ده وبلاش مخاطرة ) .
فيه حاجة اسمها دورة حياة المنتج ودورة حياة المشروع ولازم المشروع يقعد فترة يتصرف عليه علشان فى الآخر يجيب دخل .

4- الصبر ثم الصبر ثم الصبر .... مش علشان خدت قرار متعجل إنك تفتح يبقى تاخد قرار متعجل إنك تقفل .... فيه حلول كتيرة دخل شريك يدفع مبلغ أقل من اللى إنت دفعته وياخد نسبه أكبر منك أحسن من إنك تقفل وتفقد تحويشة العمر .... قلل مصاريفك بدون التأثير على هيكل المشروع الأساسى .... فكر هاتلاقى الحل إن شاء الله .

5- الصبر تانى المشاريع مبتمشيش بشكل ثابت يعنى دخللى الشهر ده 1000 والشهر اللى بعده 2000 يبقى التالت 3000 لأ طبعًا ممكن التالت صفر والرابع 500 والخامس 9000 وهكذا ... الموضوع مرتبط بمواسم وبمراحل وبمعاد إنت مش متوقعه .

6- علشان تحكم إن المشروع فاشل فيه مؤشرات كتير منها مثلًا إنك تقارن الشهور ببعض ومينفعشى تقارن فبراير بيناير لأ طبعًا تقارن يناير 2016 بيناير 2015 وتشوف فيه فرق ولا لأ .....لو قعدت 6 شهور ورا بعض بتقارن وتلاقى إن السنة إللى فاتت أكتر يبقى عندك المعدل نازل .... يبقى تشوف فيه حاجة إتغيرت السنة دى ولا لأ وتشوف مدى رضا العملاء عن المنتج ( أهم حاجة ) وتشوف العملاء إللى بيشتروا مرة بيشتروا تانى ولا لأ ... وهكذا .

المهم فى المرحلة الحالية إننا مناخدشى قرار بفتح المشروع غير لما نكون متأكدين 100% إننا جاهزين علشان أنا بتقهر كل يوم على مشاريع ناجحة ومستقبلها محترم وأصحابها بياخدوا قرار بغلقها ......

والله الموفق والمستعان 

 

تسويق