اتصل بنا

تسجيل الدخول

مستخدم جديد

زبون شرايح - شركة BIC

قراءة المقال باللغة الفصحى

الكاتب :

اعمل بيزنس

تاريخ النشر :

2017-01-01

مشاهدات :

1571

شارك المقال

هنشرح النهاردة مثال بيوضح النقطة دى ..
أى شركة لما بتحتاج تسوق منتج معين لازم الأول تحدد قطاعات السوق المختلفة المستهدفة وده بيتضمن تجزئة وتحديد مجموعات من الخصائص اللى بتميز فئات معينة من العملاء من الآخرين وشرحنا بالتفصيل إن ممكن التقسيم ده يكون على أساس التركيبة السكانية أو السن أو المستوى الإجتماعى ويعتبر كل اللى فات ده هو العوامل اللى بستخدمها عشان أقدر أعمل ال Segmentation .
هنتكلم النهاردة عن واحدة من الشركات العالمية المتخصصة فى صناعة الأقلام وكلكم عارفينها .. شركة أقلام "BIC" .
مهمة قسم التسويق فى الشركات مش مهمة سهلة .. قسم التسويق فى شركة "BIC" راقبوا كويس سلوك و احتياجات المستهلكين عن طريق الأبحاث المستمرة على المنتجات اللى يتتقدم فى المكتبات ولقوا إن الناس اللى بتشترى منتجات الكتابة دول 3 أنواع :
1- النوع الأول وهو النوع اللى بيشترى وبيحاول إنه يحصل على أفضل قيمة من المنتج أو بنسميه ال "Best Value For Money" وكانت أكبر شريحة بتشترى الأقلام بالمفهوم ده هو الأسرة ومكاتب العمل فى الشركات .. واللى بيشتروا على حسب احتياجهم وبيحاولوا دايماً إنهم يشتروا الأقلام دى أو منتج من منتجات الأدوات الكتابية بسعر رخيص وبجودة عالية تستمر أكبر فترة ممكنة .
2- النوع التانى اللى بيشترى عشان يحصل على فايدة محددة بالنسباله وبنسميه "Seeking Specific Benefits" .. النوع ده من أهم صفاته إنه منظم جداً وبيحب الخصوصية فى الأشياء بتاعته ( يعنى بيحتفظ بالقلم فى مكان معين ومش بيحب الإهمال ومش بيسمح لحد إنه يستلف القلم بتاعه .. شفته الدقة فى البحث وصل لفين وقراره فى شراء أى منتج بياخد وقت كبير ودراسة متأنية ) شخص عملى ومنظم أكيد بيفكر كتير فى أى خطوة بياخدها حتى لو كانت إنه يشترى قلم :) :) .
طب السؤال المهم هنا .. ايه اللى ممكن يعمله قسم التسويق عشان ينتج منتج يشبع إحتياج شريحة بالمواصفات دى ؟
الإجابة إنهم وفروا أقلام تتميز بخط جميل ومريح وسهل وتصميمات أنيقة وخطوط تعكس طبيعة الشخصية نفسها وألوان مميزة وستايل فى الكتابة خاص بالشريحة دى .. قسم التسويق هنا بيبذل مجهود إنه يوفر منتجات تناسب الشريحة دى اللى إتحددث بناء على أبحاث السوق المستمرة فى كل مراحل التسويق .
3- النوع التالت وهو النوع اللى بيشترى بكميات كبيرة أو ال "Impulse Buy" وبيعتمدوا فى قرار شراؤهم هنا على التصميمات الجذابة والعصرية للأقلام .. يعنى الإبتكار فى التصميم هو اللى بيشدهم بجانب الألوان الجذابة وقرارهم بيكون قرار عاطفى مش عملى زى النوع التانى من المستهلكين .. يعنى قسم التسويق هنا بيركز على شد إنتباه الشريحة دى من خلال توفير منتجات ألوانها مبهجة وتصميمات حديثة وشكلها جذاب وبيحفز الشريحة دى من خلال شد الإنتباه فى المقام الأول والمنتجات دى بتبقى دورة حياتها قصير نسبياً .

تسويق