اتصل بنا

تسجيل الدخول

مستخدم جديد

كيف تدير بيزنس وقت الأزمات ؟؟؟ ج2

قراءة المقال باللغة الفصحى

الكاتب :

اعمل بيزنس

تاريخ النشر :

2016-12-28

مشاهدات :

1662

شارك المقال

 

تعالوا نتكلم عن ليه الأزمة بتكون سبب للفرصة أو بمعنى أصح ماهي المميزات المتاحة فى حالة ركود السوق أو وقت الأزمات ؟؟؟

أولاً يتيح لك السوق العمل في مشروع لم تفكر فيه من قبل أو العمل في منتجات لم لا تستطيع أن تعمل بها وقت انتعاش السوق ...

زى مثلاً العمل فى بواقى التصدير بالنسبة لتجارة الملابس أو العمل فى الأجهزة المستعملة فى تجارة الأجهزة الكهربائية والالكترونية ...

- عايزين كل واحد يقولنا على بضاعة أو مجال خاص بالصناعة بتاعته ....

ثانياً إنخفاض تكاليف المشروع ككل نتيجة أسعار مكونات المشروع ...

فى حالة الركود بتقدر تخفض تكلفة المشروع ده بالضغط علي الموردين اللي لازم يخفضوا من أسعارهم للحفاظ علي العملاء وبتنخفض أسعار الإيجارات ولو انت موجود في مكان ممكن تحاول تخفض في قيمة الإيجار أو تنقل لمكان أفضل بنفس السعر وحتى الرواتب بتنخفض نتيجة إن السوق ضعيف والشغل قليل ....

- ياريت نقول إزاى ممكن نخفض من سعر المنتج أو المشروع كل واحد علي حسب صناعته ....

ثالثاً إنخفاض عدد المنافسين نتيجة انسحاب كثير من أصحاب الأعمال ...

نتيجة إنكماش السوق فيه ناس كتير بتنسحب من السوق وفيه ناس بتشتغل بالحد الأدنى من رأس مالها ومجهودها فبالتالى أى حد بيشتغل بكامل طاقته ومجهوده هو اللى بياخد السوق ....

رابعاً انسحاب معظم أو كل الشركات العالمية الموجودة داخل البلد أو شركات العاصمة فى حالة الأقاليم .

لأن السوق بيقل والشركات دى سواء شركات أجنبية فاتحة فى مصر أو شركات قاهرية فاتحة فى الأقاليم التكلفة بتاعتها بتبقى أعلى من الشركات المحلية لذلك مع هبوط السوق وعدم وضوح الرؤية الشركات دى بتنسحب من السوق وبتنتظر فرص تانية ودى فرصة للشركات المحلية إنها تاخد منها السوق ....

 

خامساً بانسحاب الشركات العالمية من الدولة أو الشركات القاهرية من المحافظات بتنخفض مصروفات التسويق أو تكلفة الحصول علي العميل أو اللى بيسموها Cost of Acquisition
وده معناه إنك لو كنت بتصرف 100 ج للحصول علي العميل ممكن تصرف 25 ج للحصول علي العميل ده طبعاً ممكن يكون بيصب في نقطة ثانية ولكن دى نقطه لوحدها لأنها هى اللى بتأثر فى إدارة أى مشروع ولو انت مش عارف تكلفة الحصول علي العميل كويس قوي يبقي انت أكيد عندك خطأ فادح (هنكتب بوست قريب عن كيفية حساب الرقم ده ) .

 

المهم إن الرقم ده بيقل بشكل كبير جداً وبينجحلك مشروعك مهما كان شكل السوق في الوقت ده 
دول 5 أسباب بتشجع أى حد إنه يشتغل وقت الأزمات وبتعمل ثروات طبعاً مش شرط كل الأسباب تكون مجتمعه ولكن ممكن بعضها وممكن كلها .... هنتكلم الحلقة اللي جاية عن باقي الأسباب وياريت كل واحد يقعد يشغل مخه ويطبق الأسباب دي علي السوق بتاعه أو الصناعة بتاعته .. 
وربنا يوفق كل مجتهد .. 

تسويق