اتصل بنا

تسجيل الدخول

مستخدم جديد

الـ Business plan جـ6

قراءة المقال باللغة الفصحى

الكاتب :

اعمل بيزنس

تاريخ النشر :

2017-01-02

مشاهدات :

1014

شارك المقال

نيجى لآخر تقييم وليس آخرا ألا وهو " الهدف المحدد للمشروع

"Specific business goals "

هنا بقى هانحدد اجابة السؤال الجاى ده : انت عاوز مشروعك يحققلك ايه ؟

ركزوا كده ... اجابة السؤال ده مرتبطة بأول سؤال فى البوست تعالوا نشوف مربوطين ازاى ...

أول سؤال فى البوست: هل تريد امتلاك او انشاء مشروعك الخاص؟

 

بسم الله الرحمن الرحيم الاجابة : تونس  ... لا بجد بجد

 الاجابه: أيون

 

ليييييييه؟

الاجابه: عشان عاوز فلوس – احترام الناس – الاستقلال – الحرية الشخصية .... الخ

الله ماهى دى نفس اجابة السؤال بتاعنا وهى دى الحاجات اللى أنا عاوز مشروعى يحققهالى ! طيب يا سيدى ماتزعلش تعالى نأكد تانى عليهم ونحطهم بشكل أوضح المرة دى ... افتح يابنى الجدول اياه وابعت هات واحد شاى عشان دول الخلاصة 

أهداف المشروع ( مشروعى أيا كان مجاله ) :

• توفير المال اللازم الذى يمنحنى رغد العيش والاستقلال المالى بما يكفى حاجاتى الشخصية والعائلية من مأكل وملبس ومسكن وتعليم ورفاهية. بل والأهم أن يكون شبكة الأمان فى حالة الأمراض أو الكوارث لا قدر الله.

• تقديم منتجى أو خدماتى للناس سواء بشكل يساعد على شهرته أوترك انطباع جيد يزيد الثقة فى مشروعى وشخصى وبالتالى امكانية التوسع فيه مما يدر أرباح اكثر .

• التحول من مشروع عادى الى مشروع مميز يمثل جزءًا أساسيًا فى حياة عملائى يجعلهم يتجهون نحو مشروعى عند الحاجة إلى نوع منتجى أو خدمتى التى أقدمها دون تفكير .

• اكتساب خبرات وسمات فى شخصيتى تكسبنى مزيدًا من المكانة والاحترام أمام نفسى وأمام الناس .

• تحقق الحرية الشخصية وحرية الانتقال وقتما أشاء أينما أشاء دون الرجوع إلى مدير أو رب عمل يتحكم فى وقتى , فوقتى هو ملك لى ولأسرتى .

طيب كل اللى فات ده عملناه ... ايه الخطوه الجايه وهانستفيد بالفضايح اللى كتبناها دى ايه 

هانرجع تانى نبص على اللى 4 تقييمات اللى كتبناها بتأنى وهانعمل الآتى :

- هانقارن المهارات اللى محتاجها المشروع بالمهارات أو نقاط القوة اللى بتتمتع بيها وتجاوب هل تتفق نقاط القوة والمهارات لديك وما يتطلبه مشروعك ؟

على فكرة ممكن نقطة قوة أو صفة شخصية مالهاش علاقة بالبيزنس تساعد وتكون نقطة أساسية محتاجها مشروعك زى اصرارك على تحقيق أهدافك أو مراعاتك لاحتياجات الناس .

شوف الحلاوه  ماجبناش حاجة من عندنا الاجابة هاتطلع لوحدها زى ما قولنا ودون تحكم منك لأنك ما  كنتش عارف انى هالعب معاك الدنيئة واطلع الاجابة منك قبل السؤال ... بس كده أحسن عشان ماتقدرش تلعب فى الاجابة .

- طيب لو لدى ما يلزم من مهارات ونقاط قوة لانشاء مشروعى هل هاقدر أحقق أهداف مشروعى بالمهارات دى ولا هاحتاج اتعلم مهارات تانيه أو أجيب حد يقوم بالجزء ده ؟ أظن الاجابة هاتبقى سهلة جدًا جدًا جدًا

- طيب خد دى كمان ... لو عندك المهارات وشايف انك هاتقدر تحقق أهداف المشروع بيها ياريت تبص بصه كده على الحاجات اللى ما بتحبهاش ... وشوف هل هاتضطر تعمل حاجه منها وانت فى طريقك لتحقيق أهداف مشروعك ؟

يعنى هل المشروع مثلاً هايتطلب سفر كتير وبيات بره البيت هل فيه ضغط يخليك ما تأديش المطلوب بشكل صحيح أو كله مشاكل ؟

الله ّ! احنا مش قولنا ما بنحبش الحاجات دى وانى عشان مشروعى ينجح لازم أكون بحبه ... ماهو كده طريقة الشغل هاتكرهك فى الشغل نفسه ... طب وهو فى حد يبقدر يأدى فى شغل ما بيحبوش ؟ إنت يمكن كنت بتأدى فى شغلك القديم اللى ما كنتش بتحبه لأن فى حد فوقك بيقولك اعمل وماتعملش فكنت بتعمل وخلاص انما دلوقتى مين هايقوللك ويقف فوق دماغك ويزن عليك يا بيج بوس ؟؟؟

 

هانقف هنا المره دى وكفاية عليكم الصدمات اللى هاتاخدوها وانتوا بتعملوا

ال self evaluation exercise 

 

تسويق