اتصل بنا

تسجيل الدخول

مستخدم جديد

التعهيد Outsourcing ج2

قراءة المقال باللغة الفصحى

الكاتب :

اعمل بيزنس

تاريخ النشر :

2017-02-14

مشاهدات :

623

شارك المقال

 

شركة مقاولات في بداية الثمانينات كانت عايزة تتوسع بشكل كبير فاختارت 2 من المهندسين الأكفاء والأمناء بالنسبة ليها وطلبت منهم إنهم ينشئوا شركة للتشطيبات ودفعت لهم رأس مال الشركة علي أن يتم تسديده فيما بعد من الأرباح مقابل إن الشركة الجديدة تلبى إحتياجات الشركة الأم وفعلاً الشركة أنشئت وأصبحت هي المتعهد الرئيسي للتشطيبات للشركة الأم وده إدى فرصة للشركة الأم إنها تكبر وتتوسع وتاخد مقاولات في أفريقيا ومعاه أيضاً الشركة الجديدة ...
واللي حصل ده حصل معايا من 4 سنوات لما فيه أحد المميزين من فريق التسويق الإلكتروني عندنا في الشركة قرر إنه يفتح شركة للتسويق الإلكتروني وأنا طلبت منه إني أكون أول عميل عنده بالرغم من تميز فريق التسويق الإلكتروني عندنا في الشركة لكن طبعا ال Outsourcing له مميزات كبيرة وأنا إشتغلت معاه في واحد من المشروعات في الشركة بدل من تعيين فرد أو فريق للمشروع واللي أثبت بعد كده حسن إختيار ال Outsourcing .... 
وده أيضاً اللي حصل مع شركات عملاقة زي شركات الإتصالات في مصر" فودافون واتصالات وموبينيل " اللي أسندوا مهمة خدمة العملاء لغيرهم من الشركات المتخصصة في ال Call Center زي " راية ووصله " وغيرها كتير جداً ...
التعهيد أو ال outsourcing أصبح سمه واضحة في أوروبا لدرجة إني قرأت مناقصات لشركات برمجيات في انجلترا بتطلب من الشركة المتقدمه للمناقصة تذكر هي هاتنفذ المشروع في أي دوله " مصر ولا الهند ولا باكستان " ودي أشهر الدول اللي بيتم فيها تعهيد برامج الكمبيوتر للدرجة اللي دفعت الإتحاد الأوروبي إنه يعمل برامج لرفع مستوى شركات البرمجيات في مصر لأنها عارفه إن معظم البرمجيات المستخدمه في الإتحاد الأوروبي بتتم في " مصر والهند وباكستان " وهما بيفضلوا مصر لقرب المسافة والتوقيت واللغة وتميز المبرمج المصري بالذكاء 
المهم العالم كله بيهتم بالتعهيد فإحنا عايزين نتعرف ماذا تستفيد الشركات من التعهيد ؟ و متي تعهد انت كصاحب شركة أو مدير لمهمه معينة لشركة أخرى ؟ ومتي يكون التعهيد مخاطره يهدد البيزنس نفسه ؟؟؟؟
ده اللي هانجاوب عليه في الحلقات القادمه إن شاء الله 

تسويق