اتصل بنا

تسجيل الدخول

مستخدم جديد

بيبسى يعنى ميسى

قراءة المقال باللغة الفصحى

الكاتب :

اعمل بيزنس

تاريخ النشر :

2017-01-01

مشاهدات :

1547

شارك المقال

هنكمل النهاردة بقية الأمثلة وهنعرف إيه موضوع ميسى مع ولادى ده ؟
أي حد بيشتغل في البيزنس بشكل عام وفي التسويق بشكل خاص لازم يبقى دماغه شغال ومفيش حاجه بتعدي منه خصوصًا إعلانات التليفزيون ومش بس يتفرج عليها كمشاهد عادي لازم يحللها ويشوف هما بيستهدفوا مين وعايزين إيه وشغالين صح ولا غلط وهكذا بقالي فتره ملاحظ إن ولادي كل مانخش علي سوبر ماركت بيدوروا علي بيبسي تحديدًا مش كوكاكولا بالرغم إني من جيل كانت الحاجة الساقعة عنده هي كوكاكولا ... والأيام دي تحديدًا لقيتهم بيدوروا علي إزازه مرسوم عليها ميسي رغم إن ولادي لسه ماوصلوش سن يتفرجوا علي لعيبه ولا يعرفوا ميسي ده بيلعب فين :) :) .
المهم دورت علي الموضوع لقيت إن شركة بيبسي من أكتر من 10 سنين عملت بحث تسويقيMarket Research في البحث ده جابت ناس كتير من اللي بتشرب كوكاكولا وقدمتلهم مشروبين من غير اسم وسألتهم مين طعمه أحلي ؟
لقت إن 70% أو أكتر من اللي بيشربوا كوكاكولا فضلوا طعم بيبسي وده معناه إن الناس دي متعلقه بعلامة كوكاكولا أكتر ماهي عاجبها الطعم .
وتوصلت بيبسي إن فيه جيل من الناس نشأوا على كوكاكولا ومش هيغيروه مهما حصل فبدأت تاخد إتجاه تانى للتسويق Trend وهو الشغل على الجيل الجديد اللى لسه ماتعلقشى بعلامة وبدأت توجه كل شغلها على الجيل ده .
حد سأل نفسه ليه بيبسي بترعى دوري المدارس فى مصر ؟
حد ركز إن معظم إعلانات بيبسي اللي فيها ميسي بيبقي فيها أطفال ؟
الموضوع مش صدفة ولا حاجة الموضوع إن ناس مركزة فى شغلها وعارفة هى بتسهدف مين وشغاله عليه كويس ... ولولا البحث التسويقي ده مكنتش خدت الإتجاه الجديد في التسويق
ياريت نركز فى منتجاتنا ونشغل دماغنا زى مالشركات العالمية بتعمل .... الموضوع لا هو صدف ولا هو عافية الموضوع علم وتشغيل دماغ وتوفيق من ربنا بعد كده وربنا يوفق الجميع

تسويق