اتصل بنا

تسجيل الدخول

مستخدم جديد

فيليبس وشعارها البساطة من أجل حياة أسهل ج1

قراءة المقال باللغة الفصحى

الكاتب :

اعمل بيزنس

تاريخ النشر :

2017-01-05

مشاهدات :

1586

شارك المقال

هنتكلم النهاردة عن شركة فيليبس وهنعرف مشكلات التسويق اللى قابلتها وإزاى قدرت إنها تتطور من خطتها التسويقية عشان توصل لعملاء أكتر وايه هو المفهوم اللى كانت عاوزة توصله .

اتأسست فيليبس سنة 1891وكانت بتنتج منتج بسيط جداً وهو مصابيح الإضاءة لكنها بدأت تزود منتجاتها على مر السنين لغاية أما بدأت تنتج منتجات تكنولوجية ومتطورة جداً لكنها لاحظت من خلال الأبحاث إن منتجاتها استخدامها مش سهل ومعقد جدًا بالنسبة لمعظم المستخدمين .. وقتها عرفت فيليبس إنها لازم تحل المشكلة دى وقررت انها تخلى منتجاتها مش معقدة وتبسطها بشكل يخلى حياة العملاء أسهل وكان القرار بإعادة رسم للصورة الذهنية فى ذهن العملاء بتوعها من خلال شعارها البساطة من أجل حياة أسهل .

تكوين صورة ذهنية لعلامة تجارية مش أمر سهل .. إنت بترسم صورة وشكل معين بيستمر لفترات كبيرة لكن الأصعب إنك تغير الصورة دى فى ذهن العملاء بشكل أفضل ( من أصعب المشاكل اللى ممكن تواجه أى حد بيشتغل فى التسويق ) .. ممكن تكون صورة منتجك عند الناس مرتبطة بالجودة الكبيرة أو السعر الرخيص مع الجودة الكبيرة أو سعر رخيص مع جودة قليلة .. كل دى عناصر بتساهم فى رسم الصورة الذهنية .. لكن أفضل صورة ذهنية هى اللى بتلبى احتياجات العميل بتاعك واللى بيساعدك فى الوصول ليها أبحاث السوق .

"Sense and Simplicity" هو الشعار اللى اعتمدت عليه فيليبس فى اعادة رسم صورتها الذهنية عند العملاء واللى بيرمز للتكنولجيا العالية المتقدمة ولكنها فى نفس الوقت سهلة الاستخدام وكمان بتسهل حياة الناس من خلال تقديم حلول لمشاكلهم ومنتجات تعيش لأكبر فترة ممكنة .

استراتيجية فيليبس فى اعادة رسم صورة ذهنية اعتمدت على اجراء بحث عشان تقدر تعرف نقط ضعف البدايات وايه اللى وصلها إن منتجاتها بقت ببتوصف بان استخدامها صعب من العملاء .

تانى حاجة هى البحث عن اتجاه جديد تقدر من خلاله ترسم صورة ذهنية ترتبط بمفهوم السهولة فى الاستخدام عند العملاء .. وتالت حاجة هى وضع الخطط اللى هتنفذ بيها الاتجاه الجديد ده .

فعلاً بدأت فيليبس تحقق نجاح كبير بتنفيذ الإستراتيجية دى وكان من ضمن عناصر النجاح هى انشائها ل "SAB" واللى هو اختصار ل Simplicity Advisory Board وهو عبارة عن إدارة التطوير أو ال Think Tank مكونة من خبراء مستقلين فى مجالات ال IT و الرعاية الطبية والموضة والتصميمات والهندسة .. بيتم اختيار الخبراء دول وفقاً لخبراتهم الكبيرة ووفقاً لمدى قدرتهم على تحقيق شعار فيليبس من خلال منتجاتها للعملاء وتبسيطها ليهم .

هنعرف أكتر ايه المشاكل التانية الى واجهت فيليبس غير إعادة رسم الصورة الذهنية فى البوست القادم وازاى قدرت بعدها

إنها تحقق أرقام مبيعات كبيرة جداً من خلال منتجات بتعكس فلسفة شركة فيليبس وهنقدر نحلل مع بعض الحالة دى من خلال مناقشتكم معانا فى التعليقات وربنا يوفق الجميع ..

تسويق