اتصل بنا

تسجيل الدخول

مستخدم جديد

12 نصيحة للترويج لعيادة 

قراءة المقال باللغة الفصحى

الكاتب :

اعمل بيزنس

تاريخ النشر :

2017-01-06

مشاهدات :

685

شارك المقال

فيه دكتور فتح عيادة جديدة فى بلد أرياف وكان بيسألنى عن كيفية الترويج للعيادة .... أنا بدورى سألت أحد الأطباء الناجحين جدًا وهو دكتور أطفال وخاض التجربة بنجاح منقطع النظير وكان إجابته كالتالى مع بعض الإضافات منى :

1- لابد من عمل إعلانات ولو بسيطة لكى تعرف الناس بمكان العيادة والتخصص وبتكلفة بسيطة لأن البلد صغيرة وهتعرف بعض .

2- لابد أن يكون مستهدفك أول سنة هو عدد الناس اللى بتجيلك بشكل كبير لأن المريض بيجيب مريض (ده تعبيره )

3- لابد أن تقدم خدمات مجانية لجذب الناس للعيادة (جهاز استنشاق مثلًا ب 300ج وتعمل جلسات استنشاق مجانًا - قياس الطول والوزن للأطفال ) .

4- حاول أن يكون كشفك منخفض جدًا عن باقى العيادات فى السنة الأولى .

5- لو استطعت أن تفتح العيادة بالنهار فدى ميزة لازم تعملها وتخلى الكشف بالنهار بنفس سعر الكشف لدى العيادات الأخرى مساءًا (مع وجود رقم طوارىء بالنهار ) .

6- حاول أن توفر مطبوعات خاصة بعملك توزع مجانًا على المرضى لرفع التوعية (مثلًا طرق التغذية للأطفال سؤال شائع وملح عن الأمهات فلو ينفع توفر مطبوعات خاصة بالتغذية بدل الرد على كل حالة لوحدها ) .

7- يجب أن توفر عينات مجانية من شركات الأدوية فى العيادة لتوزيعها على المرضى .

8- وفر هدايا بسيطة للأطفال (بلالين - حلويات - شيكولاتة) .

9- تنظيم العيادة والدخول بالدور مهم جدًا ويؤثر على المرضى (يعنى لو ممكن تحدد معاد كل ربع ساعة علشان اللى يجى يدخل مش يقعد ينتظر بالساعات) .

10- توفير مكان للإنتظار فى حالة عدم القدرة على تجنبه ( كراسى مريحة - مجلات مفيدة ..... الخ ) .

11- يجب أن تكون إعادة الكشف مجانية (على الأقل فى الفترة الأولى ) .

12- موضوع سجلات المرضى مهم جدًا بيفيد الكتور وبيدى انطباع رائع للمريض ومش هيكلف حاجة مجرد ملف والممرضة تحفظ الملفات أبجدى ( طبعًا لو بقى كمبيوتر يبقى حكاية )

 

تسويق