اتصل بنا

تسجيل الدخول

مستخدم جديد

كيف تدير بيزنس وقت الأزمات ؟؟؟ ج3

قراءة المقال باللغة الفصحى

الكاتب :

اعمل بيزنس

تاريخ النشر :

2016-12-28

مشاهدات :

1633

شارك المقال

 

النهارده نكمل كلامنا عن مميزات الركود في أى دولة أو صناعة أو بلد وكنا اتكلمنا عن 5 نقاط و هنكملهم دلوقتى :)
سادساً : قلة دوران العماله وقت الركود ...
اتكلمنا عن انخفاض التكاليف ومنها تكاليف العمالة .. إنما فيه نقطه مهمه جداً وهي ثبات العمالة وده فى أيام الرواج بيبقى من أهم النقط اللى بتعوق أى شركة عن التطور والتقدم أو التوسع إنما وقت الركود الحصول موظفين جدد وأيضاً الحفاظ على الموظفين الحاليين بيبقى أسهل وأحسن وعطاء الموظفين بيبقى أكبر وإخلاصهم أفضل .
سابعاً : الالتزام من فريق العمل وقلة المبيعات ...
بيتم ترجمته إلي جودة وإتقان في تقديم الخدمة للعميل لأن فريق العمل يريد أن يثبت نفسه وفى نفس الوقت عدد العملاء بيساعد على إعطاء العميل خدمة مميزة يتذكرها للأبد ويصبح عميل دائم ويرشح عملاء كمان للمكان :)
ثامناً : نتيجة قلة أوانعدام المنافسة ...
وفى نفس الوقت قلة عدد العملاء والتميز في تقديم الخدمة بيدينا فرصة ذهبية لتقديم منتجات جديدة سواء تعديل في منتجات موجودة أو إضافة منتجات لم يتم العمل فيها من قبل أو فتح أسواق جديدة ودى لو نجحت هتستمر معانا لما بعد الأزمة ودى حصلت معايا شخصياً .. :)
لما فى 2012 لقيت السوق المصري فى مجال البرمجيات وفي نفس الوقت فريق العمل غير مشغول بكامل طاقته وعنده وقت طويل فقلنا نجرب نعمل عدة منتجات استهدفنا بيه السوق الخليجي مع وجود شغلنا في مصر كما هو ... وفعلاً نجح منتج منهم في السوق الخليجي وقدر إنه يعمل شغل كويس وده اللي أنا عايز أوصله لكل اللى بيقرا السلسلة دى مش دايماً إن السوق 
وحش يبقي نقمة ممكن يبقي نعمة لو تم استغلالها كويس .. :)
المهم دول كده 8 مميزات للسوق الراكد مش لازم تشوفها في شغلك كلها إنما لازم تشوف بعض منها وسواء شفنا بعض منها أو كلها ... العبرة فى النهاية بإستغلال الفرص بسرعة و كفاءة .. :)
الحلقة اللي جاية هتبقى عن التغيير السريع في المؤسسات والشركات قبل ما ندخل على عيوب السوق الراكد :)
وبعد كدة هنتكلم عن كيفية تفادى عيوب السوق الراكد وأخيراً هنتكلم عن صفات لازم تبقى عند صاحب المشروع علشان يقدر يعدي الفترة دى :)
دي العناوين الرئيسية اللى هنتكلم عنها لمدة 6 بوستات قادمة فتابعونا :)
وربنا يوفق الجميع 

تسويق