اتصل بنا

تسجيل الدخول

مستخدم جديد

زبون شرايح

قراءة المقال باللغة الفصحى

الكاتب :

اعمل بيزنس

تاريخ النشر :

2017-01-01

مشاهدات :

1535

شارك المقال

اتكلمنا الحلقة اللى فاتت عن مقدمة المرحلة التانية من التسويق وهى وضع استراتيجية للخطة التسويقية
وقلنا إنها مرحلة وضع أسس للخطة التسويقية وطبعًا لاتجاه الشركة بشكل كامل ... يعنى بنشوف الشركة أو المنتج أو الخدمة بتاعتنا هاتخاطب مين واحنا هايبقى شكلنا إيه وهنركز على إيه ؟
من المهم إننا نفهم إن المرحلة التانية هى مرحلة تفكير ودراسة وليست مرحلة تنفيذ ... يعنى لا بنحجز إعلانات فى التليفزيون ولا فى الراديو ولا بنصمم إعلانات جرائد كل ده فى المرحلة التالتة اللى هى مرحلة التنفيذ .
المرحلة التانية ليها 3 أقسام .. هنتكلم النهاردة عن مرحلة تقسيم السوق واللى معروفه باسم ال (Segmentation) واللى فيها بنقسم السوق أو بنشرحه أو بنقسمه لشرائح أو بنقسمه لمجموعات منفصلة ومحددة لها نفس الإحتياجات ونفس السلوك أو نفس طريقة المعيشة ..... إلخ
وعلشان نعمل ده بطريقة علمية لازم نعمل مجموعة عمليات علشان نوصل للتشريح الأمثل :
أولاً تقسيم العملاء إلى شرائح ..
وده ممكن يتم بأكتر من طريقة زى :
1- التقسيم الجغرافى 
( الإسكندرية / حى الزمالك / حى المعادى / حي إمبابة / 6 أكتوبر )
2- التقسيم الديموغرافى
(سن معين ( أطفال - مراهقين ) - ملاهى فى مول للأطفال فقط
مستوي معيشى معين - دخل معين (Mountain view)
(حجم عائلات / جنس ( رجال - نساء ) محلات club aldo )
- تعليم (مدارس إنترناشينوال)
- دين (محلات بريوني للمحجبات)
3- التقسيم السيكولوجى
(life style) موتوسيكلات هارلى - CBC
- تقسيم مناسبات
- مواسم ( الصيف والرحلات - شم النسيم ( تجارة الفسيخ ) - عيد الحب (تجارة هدايا الحب والورود ) .
- أعياد العيد الكبير ( تجارة اللحوم ) .
- رمضان مثلاً ( موسم رائع لصناعة الطعام وبالذات الجبن ) ( موسم رائع للمطاعم فى القاهرة )
احنا كده اتكلمنا على العوامل اللى بستخدمها عشان أقدر أعمل ال Segmentation بتاعى وعشان نوضح الفكرة أكتر هنوضح بمثال عملى فى الحلقة اللى جاية وربنا يوفق الجميع

تسويق